संयुक्त राष्ट्र संघ (United Nations)

स्थापना –

संयुक्त राष्ट्र संघ (United Nations) ची स्थापना २४ ऑक्टोबर १९४५ रोजी संयुक्त राष्ट्राच्या अधिकारपञावर ५० देशांच्या स्वाक्षरीनिशी झाली होती.

मुख्यालय-

संयुक्त राष्ट्र संघाचे मुख्यालय अमेरिकेतील न्यूयाॅर्क या शहरामध्ये आहे.

महासचिव-

संयुक्त राष्ट्रसंघाचे सर्वात प्रमुख अधिकारी पद महासचिव हे आहे. सध्या युनोचे महासचिव अँटोनियो गुटेरस (पोर्तुगाल) हे आहेत.

उद्देश-

दुसर्या महायुध्दातील विजयी देशांनी मिळून दुसऱ्या महायुद्धासारखी परिस्थिती उद्भवू नये याकरिता आंतरराष्ट्रीय संघर्षामध्ये हस्तक्षेप करण्याच्या हेतूने या संघाची स्थापना केली.

सदस्य संख्या-

संयुक्त राष्ट्र संघामध्ये सध्या १९३ सदस्य देश आहेत. दक्षिण सुदान हा सर्वात नवीन (२०११) सदस्य होणारा देश आहे.

अधिकृत भाषा-

संयुक्त राष्ट्रसंघाच्या 6 अधिकृत भाषा आहेत.

  1. अरबी,
  2. चीनी,
  3. इंग्रजी,
  4. फ्रेंच,
  5. रशियन,
  6. स्पॅनिश.

स्वरूप-

या संस्थेच्या संरचनेत

  1. आम सभा (General Assembly),
  2. सुरक्षा परिषद (Security Council),
  3. आर्थिक व सामाजिक परिषद (Economic and Social Council-ECOSOC)
  4. सचिवालय आणि
  5. आंतरराष्ट्रीय न्यायालय (International Court of Justice).
  6. विश्वस्त परिषद (United Nations Trusteeship Council) (1994 सालापासून निष्क्रिय आहे).

यांचा समावेश होतो. यांनाच युनोचे सहा स्तंभ असेही म्हणतात.